entzun.eus

Musika albisteak
eta agenda astero
zure postontzian!


| Sindikatu - RSS | Testu tamaina AAA

Erreportajeak

bidali zure berria Bidali zure artikuluak
Mikel Lizarralde 2003-10-23

SEI URTE ekinaren ekinez

Sei Urte bizkaitarrak Sei Urte bizkaitarrak
Urte luzez egindako lanak etekinik izan du azkenean. Bizkaiko taldeak Bapatean izenburuko lehen diskoa plazaratu berri du Metak diskoetxearen eskutik.

Hamahiru. Horiek dira Iokin Elortza eta Julen Oarbeaskoa berriztarrek musika munduan daramaten denbora. Hamabost zituztela ekin zioten lehenengo aldiz, baina hogeita hamarretik hurbil daudela iritsi zaie disko bat grabatu eta nolabait ezagutzera emateko ordua. Bitxia bada ere, Sei Urte izeneko talde batekin. Bapatean (Metak, 2003), gitarrez eta melodia garbiz beteriko diskoa da, pop-rockaren eremuan aise kokatzen den lana. Iokinek kontatu dizkigu orain arte taldeak eginiko urratsak: Taldea 1997an jarri genuen martxan Julenek eta biok. Urte batzuk lehenago Izurrai izeneko taldean aritu ginen eta hura desegin zenean ni Martxoak 31 taldean ibili nintzen. Hau ere desegin zenean berriro elkartu ginen Julen eta biok eta gerora Markinako Iker gehitu zitzaigun bateria-jole gisa. Lehenengo maketa grabatu zuten hiruek eta Ikerrek taldea utzi ondoren Ekain, Hyssopus taldekoa, sartu zen Sei Urten: Hor gure musika gogortzea erabaki genuen eta etxean egindako estudio txiki batean azken urteotako abestiak grabatu genituen. Beste gitarrista baten beharra ikusten genuen eta 2002ko irailean Iaki gehitu zitzaigun.
Maketa horrekin Euskadi Gaztea lehiaketako saria eskuratu zuen taldeak, eta ordutik hona, dena zuzen eta bide onetik joan da. Metakek haiengana jo zuen eta asmo bertsuak zituztela ondorioztatuta, Sei Urteren aurreneko diskoa abian jarri zen berehala: Diskoetxe egokia iruditzen zitzaigun eta esan beharra dago oso pozik gaudela hartutako erabakiarekin eta lortutako emaitzarekin, dio Iokinek.
Talde bitxia da Sei Urte. Lau kidetik hiru (Iokin, Ekain eta Iaki) anaiak izateagatik behinik behin. Abantaila ala oztopo? Gure kasuan abantaila da. Gauzak asko errazten dizkigu entseatzeko orduan, funtzionamendurako, elkar ulertzeko, gauzak esateko.... Orain, gainera, urteetan amestu duten fruitua dute esku artean, ekinaren ekinez landutako proiektua: Urteetan, inork ikusten ez gintuen basamortu batean sentitu izan gara, baina musikarekiko zaletasunak aurrera egitera eraman gaitu etsi gabe.

Popa edo rocka?

Bapatean, Sei Urteren aurreneko diskoa, popari lotzen zaio melodien eta zenbait erritmoren aldetik Zugatiken harmonia ederrak dira horren adibide agerikoena , baina asko du rocketik ere. Barkatuk adibidez, gitarra gogorrak erabiltzen ditu kantu epiko bat sortzeko. Guk esaten dugu pop-rockean mugitzen garela, baina definizio hori hain zabala da ezagutzen ez gaituenak ezin dezakeela gure musikari buruzko ideia bat egin. Beti entzun dugu rocka pop baino askoz gehiago, eta baita rock gogorra ere, eta horrek, derrigorrez, isla izango du gure musikan. Hala ere, musika egiteko orduan, pop-rockean gaude gustura eta gehien gustatzen zaiguna da.
Pop-rockak ematen dien askatasunaz baliatzen dira berriztarrak leku batetik eta bestetik edateko. Iokinek dioenez, beste estilo batzuetan hori ezin da hain erraz lortu. Punka egiten baduzu, zaila edukiko duzu baladak edo punteoak sartzeko. Pop-rockak askatasuna ematen dizu. Melodiei eta gitarrei ematen dieten garrantziak eta batari eta besteari darien malenkoniak harreman puntuak sortzen ditu Sei Urteren eta Senen artean. Gustuko dugun taldea da eta melodiei ematen diegun garrantzian eduki dezakegu lotura. Hala ere, gitarren tratamenduak desberdinak direla uste dugu. Elkarrekin jotzeko talde egokiak garela uste dugu.


IBILBIDE BATEN ISLA
Bapatean osatzen duten hamar abestiak Sei Urteren orain arteko lanaren emaitza dira. Garai ezberdinetan egindako kantuak dira, bakoitza garai horren isla zuzena. Hirukote bezala hasi ginenean, doinu garbiak eta abesti biluziak egiten genituen eta erabateko garrantzia ahotsak eta melodiek zuten. Denborarekin gogortzen joan gara soinua, eta diskoa garai ezberdinetan egindako abestiez osatua dago. Nahiz eta horrela izan, soinu aldetik batasun bat lortzen saiatu gara, eta uste dugu lan orekatua lortu dugula.
Bapateanek musikazale ezberdinen arreta piztu dezake. Zugatik, Bihotzean, Bapatean eta Ispiluetako olerkiak, esaterako, poparen xarmaz zipriztinduta daude, Barkatu eta Zu, berriz, kantu rockero zuzenak dira eta Hain gutxi al dak rock gogorraren maitaleentzako gitarra pasarte bat gordetzen du.

2003, EKAINA-UZTAILA
bidali zure artikulua Bidali zure artikulua
Bidali zure iruzkina


kaptxa

bai, ezagutzen dut datuen erabilpen politika eta onartu.

bai, entzunen buletina astero jaso nahi dut.