Asko idatzi da Mursegori buruz, asko hitz egin. Nik dakidala, beti bere dohainak azpimarratzeko, goraipatzeko. Zale, kazetari eta kritikariak, denak bat datoz. Maite Arroitajauregiren estudioko lanak entzun eta gero, adostasunaren zaku horren barruan ikusten dut nire burua ere. Baina orain arte, estudioko grabazioen bidez baino ez nuen Mursego ezagutzen. Eibartartarrari buruzko nire iritzia osatzeko mahaiaren azken hanka falta nuen: zuzenean entzutea, kantuak eraikitzeko prozesua bertatik bertara ikustea eta ezagutzea.