Lastrick Madrildik datorkigun taldea da. Duela gutxi disko berria argitaratu dute: Smells like victory. Hamalau abesti, Costa Bravako Ultramarinos estudioetan grabatuta Xavi Navarro ekoizlearen eskutik. Gainera, Santi Garciak eta Navarrok berak nahastu dute. Emaitza benetan ona da. Abiadura, melodia, indarra eta distortsio erakustaldia! Bai, melodia badago, baina ez da inoiz riff errazetan tronpatzen, aitzitik, abeslariaren ahots oldartuak eta taldearen sendotasunak molde zaharreko tankerak dakarzkigute burura. Erritmo aldaketekin ere jolasten dute, baina melodiarekin batera, trantsizioak oso ongi landuak dira. Diskoak zazpi bideo dakartza.