Tokyo Sex Destruction taldearen lan berriak Singles du izena, baina, kontuz, katalanen azken disko hau ez da abesti zaharren edo singleen bilduma bat. Ez. Izenburuak bestelakorik iradoki dezakeen arren. Orduan zer gordetzen du disko honek? Bada, bederatzi kantu berri, jada agortuta dagoen The big red box for the syndicate of emotions maxia eta Zeidum taldearekin konpartitu zuten single batetik ateratako abesti bat. Kantu berrien artean bi bertsio aurkituko ditugu: Los Canarios-en Get on your knees eta Music Machine-ren People in me. Geroz eta hobeto, rock and roll, garage, soul, punk bizia eta energetikoa egiten dute, zaratatsua betiko moldez, eta aberatsa ere esan genezake, nahasten dituzten genero desberdinei erreparatuta. Bossa ukituak (Summer days), jazz gerturaketak (When the shadows cross the river)