Izan ere, Janovitzek rock abesti ederrak konposatu ditu, bizpahiru gutxienez azken 40 urteotan egin diren kanta onenen maila dutenak (My Radio indartsu eta melodikoa, Almost Beating ederra edo Fireworks on TV americana kutsukoa). Disko honekin Janovitzek bakarka egin dituen bi diskoei (Lonesome Billy, Calexicoko bikotearekin grabatutakoa eta Up Here akustiko ederra) jarraipen ezin hobea eman die. Horretarako baxu jole eta bateria sendo baten laguntzaz gain, Phil Aiken soinu ingeniaria gehitu du teklatuetan. Tamalez, lan honek oraindik ez du Europan banatzailerik aurkitu. Merkatuaren legea... Info gehiago: www.billjanovitz.com.