Australiako rock and rollaren trenari geroz eta gehiago kostatzen zaio martxan jarri eta trenbidera itzultzea. Zortzi urte behar izan ditu AC/DC taldeak lan berria kaleratzeko. Azkenean, 2008ko urriaren bukaeran Black Ice izeneko estudioko disko berria argitaratu zuten. Hainbatek, Back In Black klasikoaren ildokoa dela esan dute. Tira, lan berriak badu disko bikain horren antza. Baina soilik kantuen eskema berdintsua delako. Angus Young eta konpainiari originaltasuna eskatzea iraina da. Freskotasuna, ordea, exijitu behar zaie. Tituluak badu, baina edukiak gutxi. Ez da disko eskasa, baina ez da Stiff Upper Lip baino hobea. Hamabost kantuetan badira ezustekoak eta ohiko ereserkiak. Hala nola, Rock