Euskal Herriko muturreko metal talde hau (behar bada bateriaren tenpo azkarrena duena) 1997an sortu zen. Black death metal moldean oinarritzen dute musika, eta hari folk eta ohiturazko euskal musikaren ukituak gehitzen dizkiote. Taldearen letrek, Euskal Herriko ohitura, kondaira eta mitologiaz dihardute. Lehen lana, 5 abestiz osaturiko CD txikia, estreinaldi bikainaren bisita-txartela izan zen. Orduz geroztik atera izan dituzten lanek kritika ezin hobeak izan dituzte Europa, Amerika eta Japonian.