"Musika askea mundurat!" Mundurat Sareak Musikherria herri disketxearen laguntzaz 2006ko maiatzean kaleratutako bilduma da. Disko honetan, Mundurat Sareko partaide diren 22 talderen abestiak topa ditzakezue eta zenbait lagunen elkarlanaz sortutako bertso-hop estiloko aurkezpena eta software librearen aldeko ereserkiaren bertsioa. Orotara, estilo anitzak biltzen dituzten 24 abesti, hardcore bizkorrenetik pop lasaienera, heavy metaletik zein punk oi! doinuetatik pasatuz. Dena taldeen kontaktu eta argazkiak eta abestien letrak biltzen dituen diseinu paregabearekin eta 3 euroren truke.

informazio gehiago: www.mundurat.net/bilduma