Kudai taldea Donostian sortu zen 2002an, Ekaitz eta Borja lagunei bururatu zitzaienean musika talde bat eratzea. Poliki poliki antolatu zuten taldea eta Kudairen zutabe nagusia, euren gogoari kasu eginez. Gitarra, baxua eta bateriaz gain, beste musika tresna batzuk lantzen joan ziren, egin nahi zuten metal industrialaren keinuak edukitzeko derrigorrezkoa ikusten baitzuten samplerraz eta programazioaz baliatzea. Kudairen musikak metalaren aztarna guztiak ditu. Oro har esanda, Kudai taldearen estiloaz eta mamiaz argazki gardena edukitzeko bi talderen izenak aipatzea da zuzenena: Fear Factory eta Rob Zombie.