Maddi Oihenart hainbat musikari, aditu eta kritikoen aburuz euskal musikak duen ahots aberatsen, zintzoen eta gutxien kutsatutakoaren jabe da. Belaunaldi berriak harritzen dituen kantatzeko modu baten oinordekoa. Josetxo Goia-Aribek musika tradizionaleko elementu eta tresnak erabiltzen ditu bere musikan ikuspuntu pertsonal batetik lantzeko bere konposizioak. Jazza, kantu tradizioanal, musika berriak eta abar luze bat uztartzen dituen disko zoragarri bat, Josetxok idatzi eta Maddik maisutasunez kantatzen duena.
Partaideak- Maddi Oihenart (Ahotsa)
- Josetxo Goia-Aribe (saxoa eta konposizioa)
- Juantxo Zeberio Etxetxipi (pianoa)
- Marc Buronfosse (kontrabaxua)