1967an Bilbon sortua, hogei urte zituela ekin zion gaita eta alboka ikasteari Ibon Koteronek. Kasik segituan klaseak ematen hasi zen. Bere lana ezinbestekoa izan da albokaren berreskurapenean, garai horretan ia desagerturik baitzegoen musika tresna hori. Hala adierazi dute gelditzen ziren azken albokari tradizionalek. Goiz baino berandu eskola bat sortu zuen, non belaunaldi berriei alboka irakasten zitzaien eta Kepa Junkerarekin batera albokaren baitan mugarritzat hartua den diskoa grabatu zuen: Leonen Orroak. Aipatu musikariek hainbat jaialdi antolatu zuten musikari tradizional guzti horiek omentzeko xedez, hala nola Leon Bilbao albokariari egindako omenaldia, zeina1996an egin zen Artean, edo Txilibrin-en omenezkoa, Arriaga Antzokian burutu zena 1998an. Ibon Koteron filosofia klaseak ematen ditu instituto batean eta bitartean alboka ikasteko metodo multimedia bat garatzen eta egiten ari da, zeinak aurki argia ikusiko duen. Halaber, hainbat irratsaioentzako sintoniak konposatu ditu, bai albokarekin bai gaitarekin interpretaturikoak. Albokaren maisu handienetako bat den aldetik, talde askok beren grabazioetan parte hartzeko eskatu diote eta besteak beste, Tapia eta Leturia, Tom