Atomoog taldearen abiapuntua 1996. urtean kokatzen da Gasteizen. Trip-hop, elektronika eta rockaren arteko nahasketa berezi batekin topo egingo dugu euren kantuetan. Hiru urte luzez burubelarri aritu izan dira lanean "Zerutik eskegita" lehen diskoaren ingurukoak prestatzen, abestiak idatzi, konposatu, entseiatu eta lokalean bertan grabatuz. Influentzia ugari eta ezberdinak datozkigu burura Atomoog-en diskoa entzun ostean. Euskaraz egindako musikaren munduan, talde benetan berritzailea dela esan daiteke.