Ibilbide luzea egin du, dagoeneko, Urgabe taldeak. Berbenetan eta erromerietan trebatu zen aurrena. Horren ondorio izan dira Urgabe (1999, Elkar) eta Hi bizi hadi (2002, Elkar) diskoak. Gero, berriz, jarrera eta irizpideak aldatu zituzten, rockari eta popari lehentasuna emanez. Edan hemendik (Oihuka) sortu zuten orain hiru urte. Eta iragan udazkenean, aldiz, bide berri horretan bigarren geldialdia: Isilean (2006, Oihuka). Hamar abesti, rockaren eta poparen ildotik, melodia arinak eta euskal gatazkari buruzko hitzak bidelagun hartuta.