Ibilian-ibilian, musika sorkuntzan daramatzan urte guztiengatik, kaleratu dituen disko guztiengatik, jorratu dituen musika estilo nahiz genero guztiengatik, unean-unean gogoak emandakoa egindako guztiarengatik, egungo musika industriaren nahiz komunikabideen aurrean agerturiko jarrera pertsonal errebeldearengatik, eta zergatik ez, zenbait jeinuri darien izaera konplexuarengatik; guzti horregatik esan liteke benetako artista dela, artista handia. Gorabeherak izan dituena, artistikoak zein pertsonalak, baina, 30 urte inguruan musika sortzeko eta azaltzeko indar eta dohainak galdu ez dituen artista handia.