Art Chantry diseinugile grafiko estatubatuarrak itzal handia dauka rock and roll munduan. Esaterako, bera da 90eko hamarkadan Seattle hiri estatubatuarrean lehertu zen grunge mugimenduaren irudiaren erantzuleetariko bat. Izan ere, Sub Pop zigilu mitikoaren zuzendari grafikoa izan zen. Hole, Fluid, Pond, The Reverend Horton Heat, Mudhoney, Poison Idea edota The Presidents of the USA taldeen diskoetan Chantryren diseinu kontzeptualak ageri dira. Ez hori bakarrik, hiriko musika eszena guztia jasotzen zuen The Rocket aldizkariaren arduradun grafikoa ere izan zen.