Garai hartan berpizten ari zen Gipuzkoako punk-oi! olatu berriarekin batera sortu zirela esan daiteke, eta haien izena askotan agertu da mugimendu horri lotuta. Hori hala da, ez dago dudarik. Baina egia ere bada Afoniak lortu duela berezko soinua eskuratzea, ildo bereko gainerako talde gipuzkoarretatik desberdintzen duena. Punk-rock azkar, fresko eta distortsio gutxikoa egiten du Afoniak. Alde horretatik, niri beti ekarri dizkidate gogora UK Subs, Chelsea, Slaughter & The Dogs eta, oro har, 1977ko eta 1982ko taldeen artean zubi-lana egin zuten gainerako talde ingelesak. Eta originaltasun hori estimatzekoa da.
Esan bezala, gorabeheraz dago Afoniaren ibilbidea. Aratz baxu joleak dioen bezala,