Patxi Zabaleta eta Jon Gurrutxaga. Argazkia: Urko Ansa.
Uhagon Kulturguneko kanpoaldean, udazken arratsalde bero eta paregabe
honetan, bi gitarra eta beste hainbeste ahotsen babesean, begiak itxi
eta azken 6 hamarkadetako klasikoekin amestea besterik ez zitzaigun
gelditzen. Jon Gurrutxaga eta Patxi Zabaletak osatutako bikoteak, biek
ere Arima Beltzaren garaietan landutako bidearen nolabaiteko jarraipena
egin zutela esango nuke.
Bluesa eta sustraidun soinuek elgoibartarren
ardatz izaten segitzen dute, urteen poderioz gero eta era borobilago eta
eraginkorrago bihurtzen ari den estilo propioan. Ez da erraza, ez,
kontzertu berean Queen-en
I want it all edo
Crazy little thing jotzea,
segidan Rolling Stones-en
Sweet virginia eta hortik Led Zeppelin-en What
is and what should never be-ra naturaltasun osoz salto egitea. Black
Crowes-eko Chris Robinson-en
If you see California eta Chris Cornell-en
You know my name-k musika garaikidea alde batera uzten ez dutela frogatu
ziguten, nahiz eta oraingoan Alice In Chains-en
Down in a holeren
bertsio hunkigarria kantatu ez. Jon eta Patxiren ahotsak Rainbow-ren
Catch the rainbow edo Beatles-en
With a little help from my friends (Joe
Cocker-en bertsioan) lortutako gailurretan, abestien momentu pausatu
eta cresccendoetan erakutsitako ahalak bereziki harritzen nau.
Erregistro ezberdinek eta bi ahotsen artean eraikitako armonia
harrigarriek ia bakarra egiten dute Elgoibarko bikotea. Azken txanpan
Hello mary Lou klasikoa, Gene Clark-en
Polly, Janis Joplin-en
Piece of
my heart (aparta!), lehen aipatutako
If you see California eta Led
Zeppelin-en meddleya:
Baby, I