Ikusgarria, benetan, larunbat gau honetan Uhagon kulturgunean ikusi genuena: gazte hasi berri bezain talentudun baten lehen pausuak, batetik, eta jada musika munduan ibilbide polita markatu duen Gurrutxaga jauna, bestalde, nahiko gaztea ere badena (37 urte).
Bi estilo oso ezberdin lantzen dituzten arren, biek ere gustu bikaina daukate, eta sustraiei begirada sakona ematen diote. Folk, pop eta jazz ukitua Izarok, eta blues, rock eta hard rock (Americana apur batekin, nahi baduzue) Jonek. Kontzertua amaitu zenean, batak bestearen estiloa atseginez landuko luketenaren sentsazioa ere izan nuen, nahiz eta hori zuzenean protagonistei galdetu beharko niezaiekeen.