Robert Downey Jr. eta Val Kilmer-ek antzeztutako film beltz honen musikaren iruzkintxoa egiteko tentazioa ezin izan dut baztertu, berez jatorrizko soinu banda hemen argitaratu ez bada ere.
John Ottmanek konposatua da (Gothika, Usual Suspects; Supermanen musika ere prestatu berri du), Mancinik egin ohi zituen jazz giroko doinuak osatuz. Filmean ikusten den unearen arabera, erregistro sinfonikoaren eta erritmo funkiagoen artean mugitzen da, akzioa, komedia eta misterioa ederki lotzen dituen luzemetrai ero eta guztiz entretenigarri honetan.