Hardcore eta punk doinuak dira nagusi eta, oro har, agertzen diren taldeak melodiaren oso zaletuak dira: Goldfingerrek adibidez, publikoa saltoka jartzen du bere Open your eyes abesti itsaskorrarekin eta Alkaline Trio apaizez jantzita agertzen dira atzealdean buelta emandako gurutze handi bat dutela eskegita. Jada nerabe ez diren Adolescents-en zuzeneko bat dago ikusgai baita ere edota Poison the Well taldearen metal-hardcorea iazko Warped Tourrean hartutako irudietan bilduta. Eta hauekin batera, AEBtako eszenako beste izen berri nahiz zahar anitz daude gozagai: Audio Karate, Tsunami Bomb, The Vandals, Guttermouth edo Weirdos, bestak beste. Ez dago gaizki, baldin eta melodiazalea bazara. Portzierto, Estatu Batuetako punk kontzertuetan bideoan zehar ikus dezakegun giro aparta hori (dantzak, pogoak, saltoak eszenatokitik, mugimendua