Tindersticks taldeak azkenean plazaratu du Martin Wallacek zuzendu zizkien bideoklip goraipatuak. Guztira bederatzi dira, taldearen hasierako Island Records-entzako eginiko lanak eta azken urteetan kritika ezin hobeagoak jaso dituzten Beggars Banquet-eko ekoizpenetatik abiaturiko film musikatuak. Bilduman taldearen zigilu bilakatu diren zenbait kanta agertzen dira, esaterako Can we star again? edo Sometimes it hurts, zuri-beltza eta kolorea txandakatuz hainbat filmetan, bizitzaren gazi-gozoak islatzeko ahaleginean. Eta hein handi batean, bilduma honek irribarre xume bat uzten digu ahoan, maiz ikusten ditugun irudiak grisak badira ere itxaropena helarazten digutelako. Neure filmik gustukoena: Can our love, Pragan grabaturikoa, non irudietan ezker eta eskuin bi diapositiba agertzen diren etengabeko mugimenduan: kalea eta natura, eguna eta gaua.