2008ko uztailaren 4 eta 5ean, Txapa Irratiak antolatu, zuzenean emititu eta Bergarako Gaztetxean herriko zenbait bakarlari eta taldeek eskainitako kontzertu maratoiaren fruitua da eskuartean dugun zuzeneko bilduma bikoitz hau. 29 talde eta bakarlari, bakoitza bere estiloan, guztiak Bergarako labelaren bermepean. Egon badaude kontzertuan egoterik izan ez zuten taldeak, baina bilduman presente daude estudioan grabatutako kanta bana eskainiz (Supercools, Belceblues, Aby-Kem, Emon, Ene! eta Rotten Teenagers). Gainera, jada deseginda zegoen Cool Panik talde mitikoak ere parte hartu zuen uztaileko eurijasa musikalean. Bildumaren helburua, batetik herriko taldeei bultzada emanez Bergarako panorama musikala ezagutaraztea da eta bestetik, Txapa Irrati librea autofinantzatzea. Bildumaren emaitza aldiz, herri mugimenduak eta auzolanak bultzatutako beste emaitza musikal bat, duela urte batzuk Bonbereneak argitaratutako