Hernaniko udalak utzitako lokaletan sorturiko beste punk-rock taldea. Lakra Sozial bataz beste 18 urte dituzten lau hernaniarrek osatzen dute. Taldekide batzuk Suburbion ere badabiltza jo ta ke, gazteria ate joka gogor datorrela argi adieraziz. Lakrakoek punka egiten dute, punk gordina. Lerro hauen bidez aurkezten dugun CDa beraien lehen lana da, premaketa. Maketa? Ez, premaketa! Lan auto-ekoiztua, ez kalitate handikoa, baina punka; lehenengo abestitik azkeneraino, salneurritik (2 euro) azala eta kontra-portadaraino. Esandakoa, nahiz eta kalitate handiko lana ez izan, ezinbestekoak ditugu horrelako taldeak; sekulako ilusioarekin lana gogor egiten duen jende gaztea. Animo!!