Gutxika ezagutzera ematen ari den talde valentziarra da Brilliant Sharks. Ez dute erraza hala ere, nahiz eta euren estreinako diskoak argumentu aski interesgarriak dakartzan. Maketa bat atera eta Valentzia inguruan jotzen ibili ondotik, Brilliant Sharks-ek lehen disko luzea argitaratu zuen duela hilabete batzuk Criminal Records-en eskutik. Lan sendoa da, gitarzalea eta serioa. Eta ez dirudi gezurti oportunista batzuen aurrean gaudenik. Energia eta emozioa darie Ride, Anita edota Five eyes nice pricze bezalako kantuei, non gitarra ebakitzaileak jaun eta jabe diren. Hamabi kantu jaso dituzte guztira eta 70eko rocka nahiko agerikoa da, 80ko hamarkadako erreferentziarik falta ez badira ere. Ezetz asmatu?