Gorliztik datorren taldea dugu R13. Arkaitz Quilez (gitarra), Onintza Elorriaga (ahotsa), Andoni Elorriaga (bateria) eta Osoitz Elkorobarrutia (baxua) musikariek osatzen dute. Lan txukuna eta sendoarekin estreinatu dira. Soinu ona, oinarri erritmiko trinkoa eta ahots indartsua topatuko ditu entzuleak diskoak biltzen dituen 10 abestietan barrena. Kantuen eraikuntzan ez dute adreiluak bata bestearen gainean jarri nahi izan, pareta laua lortze bidean, eskertzekoa benetan, egituretan sakontzeko nahia erakutsi baitute. Batzuetan, Onintza abeslariak afektazio gehiegitxo ematen dio ahotsari, bere lana goraipatzea baino ez dugun arren. Debut interesgarria.