Ez dut polemikarik sortu nahi, ezta eztabaidarik edo dena delakorik ere, baina uste dut azkenaldian Katalunia aldetik irudimen gutxiko disko ugari hurbildu zaizkigula. Ez dakit diru, moda, tendentzia edo beste arrazoiren bat izango den horren atzean, baina amaiera izan du guzti horrek esku artean dugun disko honekin. Azkenaldian lurralde hartan faltan botatzen genuen talde bat aurkitzen dugu hemen. Aurretik kontatu dizudana ez da kontu orokor bat, beraz ez zaitez asko berotu nirekin, bakarrik honelako taldeek behar duten begirunea sortzeko idatzi dut guzti hori. More light: argi gehiago, agian bizi ditugun garaietarako aldarrikapen bat, edo horrenbeste aipatu dudan panorama musikalarentzat. Eskatzen duten argi guzti hori eskaini nahi dut, izan ere kantuetan aurkitu ditudan egiturak, ahotsen intentsitatea, giro gordinak... aski izan zaizkit lan hau defendatzeko. Gure artean grabatua, Bonberenean, joan den apirilean eta Irunen nahastua hilabete berdinean,