The Yum Yums taldeko baxu jotzailearen talde paraleloa dugu honakoa. Lemonheads eta Teenage Fanclub ekartzen digu gogora lehen entzunaldian, eta azkenean, melodiak, oinarri sendoa eta momentu justuetan azaltzen den teklatuan dago talde honen gakoa. Lelo mitikoak eskaintzen dizkigun talde baten aurrean gaude, gogoangarriak, dantzagarriak eta gainetik abesteko modukoak. Sekreturik ez, baina benetakotasuna dute alde. Asteburuetako soinubanda, gitarrak, leloak eta amorrua, indarra.