Bartzelonan lekutua dagoen Lasal udako txiringitoaren bigarren bilduma. Bertako programatzailea den Joan Barbenak osatu du (lehenengoa ere berak egin zuen). Bada, lehendabiziko bolumenaren maila altua gainditu du oraingo honetan. Hamahiru abesti inguratu ditu diskora, musika beltzaren itsasoan igeri egiten dutenak. Aukeraketa bikaina da, ez da ezer sobra, eta dantzaleku undreground-enetako arrakasta batzuk jasotzen ditu: Recloose-ren Dust; Cardiology-ren, birnahasketa; Aarvard-en Man to come (erritmo kutsagarria) edota Linkwood Family-ren saxoaren dotorezi gozoa. Halaber, Alemaniatik sinkopa digitalak edota Kaliforniako hip-hop soulfull-ena entzun daiteke bilduma honetan. Oso gomendagarria. Jada hirugarren bolumenaren zain gaude.