7 hazbeteko honen jatorria, gurean aski ezaguna den musikari amerikarrak eta Bartzelonako laukote instrumentalak Rockin' Race Jamboree jaialdiaren 20. urteurrenean elkarrekin eskainitako zuzenekoan dago. Magia sortu omen zen bi aldeen artean, eta gutxira, binilo hau osatzen duten bi abestiak grabatu zituzten. Kontzertuaz gozatu ez, baina EP hau denbora tarte luzean jira eta bira ibili izan da etxean. A ze bi errai-erraietako rock and roll kantu!

A aldean, Jackeline dotore bezain gordina, edonor dantzan jarriko duen pilula atomikoa. Gitarren solo bikainek, saxoaren ziztadek eta Withfield jaunaren ahotsak (eta uluek) koktel dantzagarria bermatzen dute.

B aldean berriz, 60. hamarkadako The Gestures talde amerikarraren Candlelight abestiaren moldaketa, jatorrizkoa baino basatiagoa. Pop zein hastapenetako r