Gezurra dirudi. Ratos de Porao talde brasildarrak 25 urte bete ditu aurten, eta, haien hirugarren disko luzearen izenburuak zioenez, gero eta zikinago, gero eta oldarkorrago dihardute. 80etako erdialdeko soinura itzuli direla diote promozio orrian, baina, egia esatera, gure ustez disko honek zerikusi handiagoa du azken urteotako Guerra civil canibal edo Oniciente coletivo diskoekin, Crucificados pelo sistema eta Descamse en paz-ekin baino. Metal eta hardcorearen artean mugitzen den eraso zapaltzailea, basatia, gogorra, kriminala. Tremendismoa (Pedofilia santa), power violence-ra hurbildu nahi duen abiada zoroa (Otario involuntario), munduaren akaberarako soinu banda (Testemunhas do apocalipse)