The Harder They Come filmean nekazal gunetik hirira doan gazte baten gora beherak azaltzen dira. Jimmy Cliff reggae abeslari ezagunak (oraindik nazioartean ezezaguna zenean) egiten du hirira joan eta bizi duen miseriaren aurrean errebelatzen den gaztearen papera. Lanik aurkitzeko zailtasunaren aurrean rude boy edo kaleko mutil gogorra bihurtzen da eta inspirazioa, neurri handi batean, mendebalde basatiko pistoleroen filmetatik jasotzen du. Jamaikar musikaren historian, ska musikaren garaian bereziki, estetika horrek eragin handia izan zuen. Guzti horretatik edaten du, era berean, The Cabrians taldeak bigarren disko honetan. Matarokoak izanda ere, mendebalde basatiaren estetika bereganatu dute eta garaiko pistoleroak bailiran, ska eta early reggae estiloen soinu bandarekin osatu dute disko/filma. Diskoa grabatzerako garaian Ruben Lopez Warrior (Black Up/Secret Army), Ricard Vinyets (Amusic Skazz Band) eta Boss-Sounds-eko Giorgio-ren laguntza izan dute, besteak beste. Diskoaren irudiari begiratuta tipo gogorren itxura eman nahi badute ere, egiten duten musika alai eta