The Black Eyed Peas hirukoa Los Angeles hirian sortu zen duela hiru disko, baina azkenaldian hasi da euren proposamena benetan ezaguna bilakatzen. Azkena duten Elephunk honetan erro beltzeko musika gehienei heltzen diete, beti ere gehiegi arriskatu gabe, oina frenoaren paretik gehiegi urrundu gabe. Diskoan Sergio Mendes musikariak hartu du parte, eta azken hilabeteotan harrera beroa jasotzen ari den Justin Timberlake gaztea ere bidelagun dute taldekoek. Hauez gain, Papa Roach, hasiera batean behintzat taldearekin zerikusi handirik ez duen bandak kolaboratzen du ere. Diskoan, irratiak mendean hartzeko abesti borobilez gain (Where is the love? eta Elephunk, izenburuari dagokion moduan), funk doinuek tartea daukate ere (Let