Eibartar honek bere hamaikagarren proiektua plazaratu berri du, aurretik Izukaitz, Oskorri (12 urte), Txatanuga Futz Band eta Eguen Bandan ibili bada ere. Dendorak lana euskal musika tradizionala gaurkotzeko joera eklektikoaren barruan koka dezakegu. Lasuenek criolloa bezala definitzen du bere burua, eta nabari da bere musikak purotasunetik ihes egin nahi duela. Horretarako hainbat instrumentuen hotsak pilatu ditu, batzuk aski ezagunak eta besteak exotiko samarrak egiten zaizkigunak (darbuka, udua, berimbaua). Egia esateko, sailkatzeko nekeza gertatzen da lan hau. Dibertsifikazio sentsazio hau areagotzen dute diskoan parte hartu duten hainbat musikarien kolaborazioek (esaterako, Mafalda Arnauth portugaldarrak bi kantetan abestu du, Ni