Duela hamar bat urte plazaratu zen Sepulturaren lanik miretsiena: Roots. Chaos A.D. diskoak traza oso onak erakutsi zituen, baina Roots izan zen eztanda eragin zuena. Berau sortzeko Amazoniako indioen artera joan ziren eta bertatik mila erritmo, instrumentu eta ideia berri ekarri zituzten. Honela, metala beste estilo eta erritmoetara itxita zegoenaren tabua hankaz gora jarri zuten. Max Cavalera, taldeko eztarri eta aurpegia zenak, taldea uztea erabaki eta Soulfly sortu zuen. Gainontzekoek aurrera jarraitu zuten beste eztarri batekin, Derrick Green-ena, alegia. Azken honek unibertsitate garaian irakurritako idazle bat izan da disko honen inspirazio iturria: Dante Alighieri. Egia esateko, Dante XXI iluna da. Garrasi ikaragarri eta hostia txarrez betea. Benetako infernu musikala, zentzu onean. Ez dituzu duela hamar urteko nahasketak inondik inora ikusiko, Sepultura berezkoa duen thrash gogorrenera itzuli baita. Giro gogorra eta gordina lortu dute eta instrumentazioa gotikoagoa da. Xehetasun eta