Munster zigiluak argitaratu berri duen La Banda Trapera del Rio punk banda katalan mitikoaren antologia ezinbestekoa da punk rocka eta rock and roll gordina maite duen edozein zalerentzat. Diskoetxeak lan ederra egin du bai edukiari bai diseinuari dagokienez. Traperoen diskografia osoa, izan ere, disko liburu bikoitzean aurkeztu dute eta bi formatuetan eskura daiteke, digitalean zein analogikoan, alegia. Diskoaren oharrak Jaime Gonzalo Ruta 66 aldizkariko zuzendariak idatzi ditu eta zuri beltzezko argazki esanguratsuekin apainduta dator. Mamiari dagokionez, punk rockaren jarraitzaile zaharrek ondo baino hobeto dakite zer gordetzen duen: Tio Modes-en riff gitarra odoltsuekin urraturiko kantu gordinak, Morfi kantariaren hitzak ahaztu gabe: Curriqui de Barrio, Venid a las Cloacas, La Regla, Monopatin, A mi dosis edo Ciutat Podrida