Bere ibilbide luzean (80ko hamarkadaren hasieran UHF taldean eta gero bakarka edo Deriva izenpean) inongo arrakasta komertzialik izan ez duen Rafa Berrio musikariak iazko diskorik harrigarrienetako bat sinatu zuen: 1971. Dirudienez, oraingo honetan hedabideetan halako oihartzuna izan du diskoak, behar bada Warner diskoetxearen pean argitaratu duelako.
Joserra Senperena arduratu da produkzioaz eta musikaren konponketez, eta biek hala biek hutsezinezko tandema osatu dute.
Sailkatzeko zaila da 1971, askotariko doinuak biltzeaz gain, poparen egitura klasiko eta oinarrizkoenetik aldentzen delako erabat (baxua, gitarra eta bateria), eta piano eta orkestra batez inguratzen baita. Konponketa delikatuak ditu, baina Rafaren hitzak ez dira samurrak esanahiari erreparatuta: denbora xahutu izanaren sentsazioa