entzun.eus

Musika albisteak
eta agenda astero
zure postontzian!


Hemen zaude -> Kritikak / Diskoak
| Sindikatu - RSS | Testu tamaina AAA

Diskoak

bidali zure kritikak Bidali zure kritikak
Fred Berruet 2006

10000 days Tool

Rock CD
Anitz itxoin behar izan dugu 10000 Days hau entzun aitzin. Egia da erronka itzela zela. Izan ere, Tool-en aitzineko bi diskoek -Aenima (1996) eta bereziki Lateralus (2001)- kritikaren eta publikoren onespen osoa lortu zuten. Maynard James Keenan-en taldeak inork baino hobeki daki metal arruntena metal landuenarekin nahasten. Alkimia ikaragarri horregatik, taldea "Pink Floyd metalzalea" izendatu dute batzuek. Vicarious-en lehen segundoetatik etxean bezala sentitzen gara: gitarra soinuak, bateriaren erritmoak eta giro sailka ezin horrek ezagutzen dugun Tool hori erakusten digute. Beti bezala, ekoizpen lana izugarria izan da oraingoan ere. Musikalki errazagoa badirudi ere, 10000 Days-en giroa aitzineko grabaketarena baino gogorragoa eta ilunagoa da oraindik. Maynard-en ama 10.000 egunez paralizatua egon zen hil aitzin eta disko hau pairamen horren isla da. Tool-ek melodiaren zentzu paregabea dauka bereziki Maynard-en ahots apartari esker. Bere talentuari, sormenari eta irudimenari esker, taldeak ohoreko tokia dauka musikaren munduan. Eta ez metalzaleen munduan bakarrik. Oso gutxi dira hori lortzen dutenak.
bidali zure kritikak Bidali zure kritikak
Bidali zure iruzkina


kaptxa

bai, ezagutzen dut datuen erabilpen politika eta onartu.

bai, entzunen buletina astero jaso nahi dut.