Agertu ziren jendaurrean, 1998an, beraiek ekoizturiko maketarekin. Harritu gintuzten. Diseinua bezain zaindu eta ederra zuen edukia lan hark. Aitzakiak zituzten aipagai besteak beste kantuetan, baina aitzakia gutxi lan hark. Ezari-ezarian, musika ildoa sendotu, emozio bideak arakatu, eta asko eta asko zur eta lur utzi zituzten Ezarian (Esan Ozenki, 2000) iraupen luzeko lehen lanarekin. 2001eko Plaza jaialdian eskainitako emanaldi baten haritik, edo hari tiraka Egun bat nonahi Ep-a (Acuarela, 2002) plazaratu zuten hurrena, nonahi zirela ere musikarekin hunkitzeko zuten gaitasuna berretsiz. Aztarnaren bat edo beste utzi ziguten geroztik