Alfred Hitchcock maisuaren Psycho filmeko Norman Bates pertsonaiaren gerizpean dabilen laukotea, hazi egin da Perkins (Gaztelupeko Hotsak) bigarren lan honetan. 2007an sortu zenetik, zinemak garrantzia berezia izan du laukotean. Baina, honakoan, film konkretu batean arreta jarri gabe, erritmo aldaketa zoroak, ahots eta sonoritatearen arteko jolasa, psikodelia ukituak, zein gitarra zorrotz eta bihurriak lagun, berrikuspen pertsonala eman diote pasa den mende erdiko zuri-beltzezko 8 film ezberdineri, pare bat salbuespenekin. Publikoaren aitortza osoa izango ez duten arren, egun, gurean dagoen talde interesgarrienetakoa dugu. Entzun! Alex baxu jotzailearekin izan da.