2001. urteko neguan sortu zen Ufestuek, Baztango Erratzu herrian. Beren webgunean diotenez, "herri ttikietan gertatzen den moduan, eguneroko bizimoduan, kultur gertakari garrantzitsua izan zen. Behiek kakaztutako karriketan, kanporat lan eta ikastera behartzen diren adin guzietako jendeen eguneroko joan-etorrian; ardi otzan eta mintzo diren pareten artean, Erratzun". Ufestuek taldeak punk musika egiten du, Pottoka eta La Pollari zenbait keinu eginez melodietan. Bi lan argitaratu ondoren (Maketa bat eta "Lanari mus" diskoa) pista galdu genien, baina 2011n itzuli dira disko berriarekin: "Faxismoaren harra".