Zazpigarren urtez, Donostia hiriak Dantz jaialdia hartuko du abuztuan. Hilaren 24tik 26ra bitarte, nazioarteko musika elektronikoaren erreferenteak batuko dira Gipuzkoako hiriburuan. Besteak beste, Miramongo Anfiteatroak, Tabakalerak, Kutxa Kultur Klubak eta Illunbek hartuko dituzte kontzertuak.
Zuzeneko emanaldiez aparte, bestelako kultur jarduerek, hitzaldiek eta performanceek ere osatuko dute egitaraua.
Hain justu, abuztuaren 24an, THING performancea hartuko du Kutxa Kultur Klubak. Zuzeneko saio inprobisatua da, musika elektronikoaz gozatzeko aukera ematen duena eta, besteak beste, Error Etica, Pina, Another Machines, Izar5 eta Vema Diodesek parte hartuko dute ekitaldian.
Abuztuaren 25an, Andre Zigarrogileak plazan, 17:00etatik aurrera, Sally Rous, Zuri, Ines eta Yngryd dj-ak ariko dira. Ondoren, 22:30etatik aurrera, Illunben, egitarauak aurrera segituko Bihotza, Bassywax, Lena Willikens, DVS1 eta Blawan taldeen eskutik.
Ixteko, abuztuaren 26an, Miramongo Anfiteatroan, Ope Loeb, Baiuca, DJ Python, Interstellar Funk eta John Talabot DJak ariko dira 17:00etatik 00:00etara. A4, Rene Wise, Dr Rubinstein eta Jeff Mills-ekin jarraituko du programazioak Illunben 00:30etatik aurrera.
Sarrerak eta informazio osoa HEMEN