Aurreko bi edizioen arrakastaren ostean (denera 190 taldek hartu baitzuten parte) bueltan da Rockein!, Hego Euskal Herriko (Euskal Autonomia Erkidegoa eta Nafarroa) musika-proiektuak sustatzea helburu duen musika taldeen eta bakarlarien lehiaketa. Basauriko Udalak antolatzen du lehiaketa hau eta Arrigorriaga eta Galdakaoko udalak laguntzaileak dira.

Gaur (urtarrilak 22) ireki da Rockein! musika lehiaketan izena emateko epea. Taldeek eta bakarlariek martxoaren 22ra arte eman ahal izango dute izena. Jasotako grabazio guztien artetik, epaimahaiak sei talde finalista hautatuko ditu. Talde horiek Basauriko Sozial Antzokian joko dute maiatzaren 9an, larunbatarekin. Kontzertuaren ostean, epaimahaiak lehiaketako talde irabazleak zeintzuk izan diren erabakiko du.

• PARTE HARTZEKO OINARRIAK:

- Gutxienez taldekideetako bat Euskal Autonomia Erkidegoan (EAE) edo Nafarroan jaiotakoa izatea edo bertan bizitzea.
- Gutxienez taldekideetako bat Basaurin, Arrigorriagan edo Galdakaon erroldatuta egotea, talde lokal onenari saria irabazi ahal izateko.
- Taldekideak 16 urtetik gorakoak izatea.
- Izena ematerakoan gehienez disko bat izatea editatuta, diskografia kontratu baten mende egon zein ez.
- Abestiak jatorrizkoak izatea.
- Musika estilo guztiak onartuko dira.
- Beste edizio batzuetan izena eman duten taldeek oraingo honetan ere parte har dezakete, betiere aurreko betekizunak betetzen badituzte. Beste edizioren batean irabazle izan diren taldeak ezingo dira kategoria berberean lehiatu.

• SARIAK:

TALDE IRABAZLEA
- Single profesional bat grabatzea, ekoiztea eta masterizatzea (gehienez hiru abesti).
- Bideoklip profesional bat grabatzea eta ekoiztea.
- Bizkaiko areto nagusietako batean kontzertua ematea edo MAZ Basauri jaialdiaren barruan emanaldia eskaintzea (antolakuntzak zehaztuko du).
- Singlearen 500 kopia diseinatzea eta editatzea

TOKIKO TALDE IRABAZLEA
- Bizkaiko areto nagusietako batean kontzertua ematea edo MAZ Basauri jaialdiaren barruan emanaldia eskaintzea (antolakuntzak zehaztuko du).

EUSKARAZKO TALDE ONENA
- Abesti bat grabatzea eta ekoiztea.

Info +: rockeinlehiaketa@gmail.com  / Tel: 944 666 430