Ekaina eta uztaila Gorka Urraren Lezoti estudioan sartuta eman zituen Ianire Aranzaberek. Emaitza, Erretratu Bat izeneko diskoa, aurki izango da kalean. Esanezin du izena artista goierritarraren bakarkako proiektuak, eta horixe izango da lehen lan luzea, aurkezpen-gutuna.

Aurrekari modura, Oraindik singlea sareratu du, baita horri loturiko bideoklipa ere. Hauskortasunari kantatzen dio Esanezinek, eta lantalde zabala izan du alboan lehen emaitza honetarako.

Sorkutza eta ekoizpena, gitarra eta ahotsa bereak dira, Ianire Aranzabererenak. Teklatuan eta baxuan, Iñigo Asensio. Gitarra elektrikoan Ander Zubillaga. Baterian Arri Iraeta.

Bideoaz, aldiz, Imanol G. Gurrutxaga arduratu da. Eta Xabin Fernandez, Eneritz Aranzabe, Dorleta Oiarbide, Naiara Aranburu eta Irati Valdivielso aritu dira aktore lanetan.