BBK On Stage zuzeneko musika-zikloak hirugarren edizioa abiatu du. Martxoa erdialdetik maiatza amaiera bitarte, lau kontzertu eta sei artista ariko dira Bilboko BBK aretoko oholtza gainetik.
Askotariko estiloak jorratu arren, freskotasuna eta gaztetasuna zigilu duten musika proiektuak hartzen ditu BBK On Stage zikloak. 2023koa Paula Mattheus getxoztar gaztearen eskutik hasi da, eta Concierto En El Balcón lan berria aurkeztu du.Martxoaren 25ean Siloé bikoaren folk-pop elektroniko eta dantzagarriaren txanda izango da. Eta egun berean emango du kontzertua, baita ere, Yarea indie artista urbanoak.
Maiatzaren 6an Marlon iritsiko da Tour Amores de Esos birarekin. Eta zikloa ixteko, maiatzaren 7an, Pol 3.14 banda ariko da zuzenean, hainbat telesailetarako (tartean La Casa de Papel edota Bely Basarte) musika konposatzeagatik sonatua.
Sarrerak webgunean eros daitezke, edota BBK Aretoan bertan.