Olaia Inziarte

Klikatu argazkien gainean handiago ikusteko

Etena Ez Dena izeneko bira iragarri du Olaia Inziartek, Lehengo Lepotik Burua aroari “momentuzko itxiera duina” emateko. “Dena da, eza da, eta etena da. Etena da, baino ez. Ez da dena, baino etena da”. Hitz joko hori erabili du artista oronoztarrak aro baten amaiera iragartzeko. “Ez da pausa dramatiko bat (edo bai), da pausa bat, motx edo luze (motxa zer den eta luze zer)”, gehitu du.

11 kontzertu baieztatu ditu, horietatik 5 Euskal Herrian:

ABENDUAK 12: Hazparne, Gazte Eguna.
ABENDUAK 14: Gasteiz, Jimmy Jazz.
ABENDUAK 26: Bilbo, Kafe Antzokia.
ABENDUAK 27: Donostia, Doka.
URTARRILAK 13: Atarrabia, Totem.

Valentzian, Bimen, Bartzelonan, Castellonen, Madrilen eta Vigon ere emango du kontzertu bana.

Euskal Herrikoek, baina, formatu berezia izango dutela jakinarazi du. Ohiko bost kideen ordez, beste hiru lagun igoko baitira oholtza gainera: Leire Berasaluze, Amets Aznarez eta Ion Celestino. Gasteizko kontzertua, gainera, Sara Zozayarekin partekatuko du.