Ibil Bedi

Klikatu argazkien gainean handiago ikusteko

Aurtengo Arizkun Rock berezia izango da zinez; 2015ean sortu zen jaialdiaren azken edizioa izango delako 2023ko hau. “Maitasun eta ilusio handiz” prestatu dute iragarri duten programa: ekainaren 23an, Arizkungo herrigunean bertan, 23:00etatik aurrera, Ibil Bedi taldeak eta Olaia Inziartek emango dute kontzertua, debalde.

Dena dela, 19:00etan Andoni Ollokiegi hasiko da jai-giroa berotzen, justu afaltzeko tartea hartu aurretik. Eta, bestalde, kontzertuen ostean, Bines Katiko Djak pintxatuko duen musikak luzatuko du gaua. 

Antolakuntza eta autogestioan oinarrituz, jaialdi txiki honek Euskal Herriko eta Espainiako talde sonatuak ekarrik izan ditu 600 biztanle baino gutxiago dituen Arizkun herrira. Ia hamar urteko ibilbidearen ostean, baina, “arras kontent eta proiektu hau aurrera eramaten lagundu duten guztiekin eskertuta” amaiera heldu da.