Arkada Sozial

Klikatu argazkien gainean handiago ikusteko

Nazioarteko punk taldeetan espezialdutako HFMN kontratazio agentziak eta Badalonako L’Estraperlo aretoak streaming bidez jarraitu ahal izango den aurreneko punk jaialdia antolatu du. Covid19 krisialdiak zapuztu zuen Fem d’aquí festibalaren inguruan egosi da hitzordu berri hau.

Crim, La Inquisición eta Deadyard taldeak Badalonako aretoan ariko dira maiatzaren 23an. Eta ekainaren 6an Gasteizko Jimmy Jazzek hartuko du lekukoa, Arkada Zozial eta oraindik konfirmatzeke dauden beste zenbait taldeekin. Tokian bertan ez da ikus-entzulerik egongo, baina streaming bidez emitituko dituzte kontzertuak Estraperlo, Jimmy Jazz nahiz RedStar aretoen Facebook profiletan; baita Gasteiz Calling eta Barna’n’roll festibalen profiletan ere; edo Talco eta Crim taldeen kontuetan, baita RockZone hedabidearen plataforma digitaletan ere.

Musikarien eta zaleen arteko interakzioa bermatzeko saiakera berezia egingo dutela iragarri dute. Hala, aurreratu dutenez, ikus-entzuleek taldekideei galderak bidaltzeko aukera izango dute, eta sorpresak ere izango direla baieztatu dute.