Izaro – Campamento Base

“Sendatzeko” disko bat dela aitortu du Izarok. Abenduan Durangoko Azokan salgai egongo den Cerodenero lana “mendi bat igo eta jaistea” bezalakoa dela ere deskribatu du artistak. Soinu ilunetatik abiatu gorantz, tontorrera heldu, eta ostera ere jaistea, doinu alaiagoetara.

X eta Besteak aurkeztu zuen duela aste batzuk, eta orain disko osoaren bigarren singlea zabaldu berri du: Campamento Base. Hitza eta musika bereak dira, baina lantaldean aritu dira, besteak beste, Eñaut Gaztañaga eta Iker Lauroba.

Bideoklipa ere zabaldu du Izarok, eta bigarren honetan ere dantzan ageri da mallabiarra. Berriro ere Jaiotz Osa koreografoa arduratu da mugimenduak zuzentzeaz.