Benizze – Basati

Beñat Goitia dago Benizze proiektuaren atzean, eta 11 kantaz osaturiko bigarren diskoa atera du: Basati. Goitiak berak azaldu duenez, aurreko lanarekin alderaztuz, honako hau gardenagoa da, halako “mozorro-kentzet bat” egin du, metaforak alboratu ditu eta gauzak modu zuzenagoan, “bortitzago” aurkeztu ditu.

Musika estiloari dagokionez, bi ildo nabarmen jasotzen ditu diskoak. Batetik, badira izaera elektroniko nabarmeneko piezak eta, bestetik, badira kanta dantzagarriagoak ere, kutsu latinodunak.

Elkar argitaletxearen bitartez ikusi du argia ‘Basati’ lanak, eta CD nahiz binilo formatuan atera dute. Kanta homonimoaren bideoklipa sareratu du eta, endaurrean, ekainaren 28an aurkeztuko du lan osoa, EHZ festibalaren testuinguruan.

Beñat Goitiaren Benizze proiektuak irabazi zuen 2023ko Paradisu Zinena Musika Beka. Eta, hain justu, Elkar-ek sustatzen duen beka horren emaitza da ‘Basati’ diskoa. Epaimahaiak Goitiaren “freskura, argitasuna eta konbentzimendua” azpimarratu zituen bere ebazpenaren arrazoiketan.