bashoanII

Klikatu argazkien gainean handiago ikusteko

Robbie Basho gitarrista estatubatuarraren omenezko diskoa izan zen, funtsean, 2017an Beñat Axiarik, Joseba Irazokik, Julen Axiarik eta Oihan Oliarj-Inesek kaleratu zuten Bas(h)oan. Egitasmoa luzatu da, ordea, taldearen izen ere bihurtu da, eta orain, bost urte geroago, uztaren bigarren partea heldu da: Bas(h)oan II.

Bigarren honetan, ordea, Robbie Bashoren kanta bakarra sartu dute (Mehera My Love) eta gainerakoak Axiaritarren, Irazokiren eta Oliarj-Inesen konposizioak dira. “Prozesu bizi eta kolektiboa” izan dela aitortu dute. Musikari dagokionez, esperimentaziora jo dute eta, hitzetan, Irazokik adierazi duenez, “gizakion eguneroko arazoak” jaso dituzte.

Hamar piezek osatzen dute bigarren disko hau, eta horietatik lauk Itxaro Bordaren olerkiak dituzte ardatz. Elkar argitaletxearen eskutik atera dute.